Tito Paris

Cabo Verde

A personificación da alma caboverdiana

A contribución de Tito Paris á divulgación das músicas de Cabo Verde é enorme. Compositor, cantante e intérprete, é unha das grandes iconas da música luso-africana. A súa pegada é inconfundíbel: unha voz ronca de gran personalidade, os sons agora frenéticos, agora melancólicos que arranca da guitarra, e unhas melodías nas que recorre ás mellores músicas caboverdianas: as mornas, os fumanás, as coladeras. Unha institución, dentro e fóra do seu país.

Tito Paris criouse nunha familia de músicos e xa de moi novo destacou como intérprete e como compositor. Aos 19 anos chegou a Lisboa, onde se converteu nunha das principais referencias da cultura caboverdiana en Portugal. Ademais de producir o primeiro álbum de Cesária Évora e compoñer algúns dos seus temas, conta cunha brillante discografía, na que destacan os álbums Fidjo maguado (1987), Dança ma mi criola (1994), Guillermina (2002) e Acústico (2007). Recoñece que é sobre o escenario onde se sente máis cómodo, e onde mellor transmite a mestura de alegría e saudade da música do seu país.

“Tito Paris é grande como compositor, guitarrista e cantor. E tem ainda sobre os ombros a responsabilidade de uma modernização e de uma internacionalização (sem cedências, em qualquer dos casos) da música de Cabo Verde”. Visão. “Pretendo transmitir, a través da miña música, todas as sensacións positivas que teño na alma. Gústame moito a fusión dos ritmos caboverdianos con outros estilos musicais, pero a esencia da música do meu pobo está sempre presente en todo o que fago”. Tito Paris.

http://www.myspace.com/titoparis

• Tito Paris (Cabo Verde)
• Raquel Tavares (Portugal)
• Fred Martins (Brasil)
• Uxía (Galiza)