Raquel Tavares

Portugal

O fado máis novo desde o corazón da Alfama

Raquel Tavares vive na Alfama, o barrio do fado. É por iso que canta aquilo que ve, sente e cheira ao seu redor, a través das historias reais escritas polo poeta do fado Linhares Barbosa. Raquel Tavarés ten só 24 anos e xa leva 12 sorprendendo pola súa forza e capacidade interpretativa, que a levaron a gañar no 2006 o Premio Revelação Amália Rodrigues. A súa xa non é unha voz que promete moito, senón a realidade dunha artista tan nova como experimentada.

As súas interpretacións de voz e viola poden escoitarse habitualmente na casa de fados “Bacalhau de Molho”, pero a súa proxección levouna xa a actuar en Europa e América. Logo dun primeiro disco homónimo en 2006, Raquel Tavares publicou o ano pasado Bairro, un álbum que penetra polas rúas e recunchos da Alfama ao tempo que documenta unha serie de momentos fundamentais na traxectoria da fadista.

“O fado de Raquel Tavares é de algodão doce, suave como o gesto da água que amolece a rigidez da pastilha e se tranforma em delicada aguarela”. Rascunho.net.

“Lisboa é a grande paixão da minha vida. É, muitas vezes, a minha grande fonte de inspiração, e por isso, acredito que a parte mais «nua» do meu fado, esteja na forma como eu vivo a minha cidade”. Raquel Tavares.

http://www.myspace.com/raqueltavares

• Tito Paris (Cabo Verde)
• Raquel Tavares (Portugal)
• Fred Martins (Brasil)
• Uxía (Galiza)