Cantos na Maré 2009
Fred Martins
Brasil
Novo alento para a MPB
Fred Martins levaba anos compoñendo para algúns dos grandes intérpretes do Brasil, como Maria Rita, Zélia Duncan e Ney Matrogrosso, cando en 2006 gañou o prestixioso premio Visa de Música Brasileira coa unanimidade do xurado e o favor do público. Foi o impulso definitivo á creatividade, o sentido do ritmo e o universo poético dunha das voces máis prometedoras da nova MPB.
O contacto tan íntimo de Fred Martins coa música brasileira venlle dos dez anos durante os que transcribiu partituras dos grandes compositores da bossa nova. Esa conexión transpira na súa carreira en solitario, cos discos Janelas (2001), Raro e comum (2005) e Tempo afora (2007). Vén de publicar Guanabara, un álbum dedicado á musicalidade de Rio de Janeiro a través de novas pezas de samba e bossa nova. Na actualidade atópase en Galiza para establecer pontes musicais entre os dous países a través de colaboracións con artistas galegos.
“Fred Martins é um compositor original, que aborda um universo muito particular, interessante e poético”. Ney Matogrosso. “O cantor, compositor e violonista de mão cheia, Fred Martins, tem um trabalho consistente e é um dos melhores compositores de sua geração, além de ser também um ótimo cantor. Vejo-o como expoente dessa nova geração”. Guinga.
- Tito Paris (Cabo Verde)
- Raquel Tavares (Portugal)
- Fred Martins (Brasil)
- Uxía (Galiza)