Inauguración da Semana da Lusofonía: presentación do proxecto documental “Cabo Verde Sabí (A muller e a terra, o home e o mar)” de Manolo Maseda e actuación do grupo Batuko Tabanca

O documental amosa a cara máis amábel das Batuko Tabanca e deixa a mensaxe máis positiva das migracións: o respeito, a amizade e o diálogo.

“A muller e a terra” relata unha xira de tres concertos do grupo no seu país natal, Cabo Verde. O home e o mar “O Pachilán”, está protagonizado por

Obradoiro de capoeira a cargo de Maracatú Produccións

A capoeira cobra neste programa un especial interés. Trátase dunha expresión artística de primeira grandeza, en canto que engloba baile, música e arte marcial, e tamén porque consiste nun importante icono da cultura lusófona.

Dúo Lilian França & Sérgio Tannus, coa colaboración especial de Pepe Sendón

A diversidade do son deste dúo brasileiro vai do samba ao jazz, do baião ao chorinho, do xote á balada, do pop ao coco, cun estilo moi proprio e contemporaneo. Mentres ela interpreta joias da música popular brasileira coa súa afinada voz, Sérgio extrae os seus extraordinarios arranxos da guitarra eléctrica, do cavaquinho e da mandolina.

O repertorio está formado de composicións propias, cancións dunha nova xeración de compositores brasileiros e sobre todo de cantautores consagrados da música brasileira como Chico Buarque, Tom Jobim, Gilberto Gil, Cartola, entre outros.

Obradoiro de forró, a cargo de Maracatú Produccións

O forró é un xénero musical típico do nordeste brasileiro que se interpreta con un acordeón, un tambor e un triángulo. Ritmo contaxiante que se baila en parella, descoñece barreiras de idade, xénero ou clase social. Nos últimos anos o forró ven encontrando adeptos en toda a xeografía brasileira fusionándose cos máis diferentes estilos musicais brasileiros: xote, baião, samba e ata mesmo coa música tecno.

Proxección de curtametraxes do cineasta Fernando Spencer

• Paixão de Cinema (2004), sobre a carreira do cineasta brasileiro
• Trajetória do Frevo (1988), sobre o mais famoso ritmo do carnaval pernambucano.
• A Arte de Ser Profano (1999), sobre os pastoris profanos de Pernambuco.

Conferencia literaria a cargo da escritora Hélia Correia: Há cromossomas na escrita?

Gran poetisa e dramaturga portuguesa, é autora de varios ensaios e novelas como "O separar das aguas", "Montedemo" ou "Vila celeste".